Jumat, 02 Mei 2014

JAMITA MINGGU, 18 MEI 2014



BAHAN JAMITA MINGGU, 18 MEI 2014
MINGGU KANTATE
Ev. Ul. Ap. 7: 54-60 (Ep.: Psalmen 31: 2-6, 16-17)
                 ========================================================

MAMELEHON DIRI NANG TONDI TU JESUS
(Menyerahkan Diri dan roh kepada Yesus)

I.      Patujolo
1.    Pangantusionku nang haporseaonku taringot tu na mamelehon dirion, ima pasahathon ngolu, manang mengabdi tu sada tujuan na tontu. Marragam do tujuan na tontu i, isarana tu ulaon ni Tuhan i, tu missi teroris, tu angka ulaon na denggan, tu angka ulaon haportibion, tu sibolis nang angka dohot na asing. Saguru tu sasahalak i ma tu dia ibana mangabdi manang pasahathon ngoluna.
2.    Molo hita angka na porsea di Jahowa Debata, naung mangain hita marhite Jesus gabe anakNa, pada prinsipna, ingkon tu Ibana do hita pasahathon ngolunta manang mengabdihon ngolunta, ala ndang hita be parnappuna di daging nang tondinta, alai Jahowa Debata do, ala naung ditobus hita. Alai jotjot do ndang sarrombang  prinsip i dohot hataridaanna. Ndang sarupa goarna dohot daina. Kristen ninna ibana, alai ndang Kristen pangalahona. Masa pe angka i, tontu marpardomuan do i tu kwalitas ni hakristenonna sandiri. Ndang Tondi ni Debata dope, songon Stefanus, anggo na manggohi ngoluna, alai tondi ni angka na di portibion dope, atik pe naung piga-piga sundut na saompu i naung Kristen. Hadirion sisongon i do na dapot di halak Kristen na manjalo surat Heber: “Ai tumimbangkon lelengna i, nungnga patut guru hamu nian, hape angka sisiasia ni hata ni Debata dipe siajarhononhon tu hamu; gabe susu nama ringkot di hamu, ndada sipanganon hian”, (5:12).
3.    Turpuk jamitantaon menerawang hadirionta saluhutna, baik ruas nang angka parhalado taringot tu pamelehonon diri nang tondi tu Jesus. Di hadirion ni Stepanus torang tabereng militansi na marKristus i, atikpe hosa gararna. Panindangionna i sandiri pataruhon ibana tu na mate martir (mate ala manghajongjongkon haporseaonna di Kristus i). Adong do ra nang sian tonga ni hita halak Kristen na mandok, anggo cerita alkitab antong ingkon songon i do, alai boha bahenon mangihuthon i, di portibion dope iba; hape Stepanus na di turpuktaon pe tong do di portibion masa i. Molo so i didok, tarmasuk na nekat do Stepanus i, ndang bijak, nga diboto rapot godang ni halak Jahudi i boi mandabu uhum marutang hosa, jala nga dipatindang sitindangi gapgap (6:13) maradophon ibana, ndang distel jamitana i asa unang jut rohani angka peserta rapot godang i (7:52-54) gabe mambahen mate martir ibana. Molo tung pe adong na marpandapot na songon i, angka na marguru tu daging do pandapot i, ndada marguru tu Tondi manang ngolu na mian di bagasan Kristus.

II.    Usul Angka Sipahebhebaon di Naparade Jamita       
1.    Hita naung manghatindangkon, halak Kristen, siihuthon Jesus, ingkon rade jala marguru tu Tondi ni Debata, hadirion sisongon i do mambahen ndang surut mamelehon diri nang tondinta tu Jesus. Tapamanat ma jo Stepanus, ia ibana ima sahalak sian pigapiga halak na pinillit ni huria i, na gok haporseaon dohot Tondi Parbadia (6:5). Tondi i do na mangula dibagasan ibana umbahen tarpatupasa angka halongangangan dohot tanda angka na balga di jolo ni na torop i (6:8). Diulaon panghobasionna Tondi i do na mangajari ibana mangalehon alus asa ndang adong na boi mangalo ibana marsual (6:9-10). Tung Tondi i do na mangula di bagasan ibana, ndada pingkiran manang malomalo ni ibana sandiri.
Sasintongna pamelehon diri dohot tondi na, ndada holan di ujung ni ngoluna i di tingki pasahathon hosan tu Debata, alai mamungka porsea ibana tu Jesus Kristus jala diigani Tondi i. Dipelehon ibana do diri dohot tondina laho pararathon hasintongan ni Debata di bagasan Jesus Kristus, asa lam ganda bilangan ni angka na porsea. Dung di ujung ni ngoluna lam nalnal ma pamelehononna marhite na pinasahatna tondi tu Debata. Sahat tu titik darah penghabisan ndang munggil pamelehononna di diri dohot tondina tu Debata.
Sahat tu sadarion, tahaporseai do, sahat tu na ro Kristus paduahalihon, tongtong do mangula Tondi ni Debata di portibion, holanon ise do na rade jala olo marguru dohot dirajai Tondi i? Piga do ruas ni huria dohot parhaladoNa na olo mangalehon ngoluna diingani jala diajari Tondi i? Molo angka na di portibion do taanahon di ngolunta, tagamon ma hona hungkupan barita hasintongan na sian Tuhan i na tuk paluahon tondina sian hamagoan; marjea ma hita, ala so parhalado haposan hita di jolo ni Tuhan i. Mamelehon diri nang tondinta pe hita tu Jesus, ndang polin be di tonga-tonga ni huria i. Tung tungil situtu ma partondion ni hakristenonta i, jala lobi tungil situtu ma nang hakristenon ni ruas ni huria i.
Dung i molo so Tondi ni Debata do na mian di bagasan hita jala taparguru, haoloon na marsiala ma haoloonta jala mura-mura marondingonding di balik ni angka alasan, atikpe momo jala neang siulaon i.
Asa tulus jala bulus hita mamelehon diri nang tondinta tu Jesus i, manongtong ma hita mampanotnoti silang ni Tuhan i, dohot manghaporseai mudarna na arga i naung paluahon daging nang tondinta sian dosa dohot hamatean. Tung so hagarar hita do utangta tu Jesus i, alai atik pe so hagarar hita ta angsur ma saleleng mangolu (unang gabe parutang busuk tu Tuhan i), marhite na rade jala unduk mangungkap ngolunta diingani jala diajari Tuhan i. Ido mampargogoihon dohot paposhon rohanta mamelehon diri nang tondinta di adopanNa.
2.    Manongtong do marsihohot manghajongjongkon hasintongan ni Debata angka na mamelehon diri dohot tondi tu Jesus Kristus. Ndang sumurut dirina sian hasintongan ni Debata, atik pe patungosngoshon, dohot magasup angka na so olo manjangkon hasintongan i. Tung so munggil do nanggo saotik hadirionna. Hatoguon i ala Tondi ni Debata do na pahothon. Ndang olo Stepanus mangkompromihon hasintongan ni na hinatindangkonna demi haluoan pardagingon na sementara; dohot hata na asing, selamat di pardagingon haportibion alai luangan di haluaoan na manongtong i.
Sian na so tasadari, olo do hita holan mamingkirhon selamat sebatas di portibion gabe maret hadirionta sian hasintongan ni Debata, atikpe ndang pola nyawa dope taruhanna. Gabe tadok, ala di portibion dope hita, manang marpanganju do Tuhan i di si.
Molo tabandingkon do lapangan bersaksi ni Stepanus dohot hita di tingki sonarion, ndang dihadihana dope martimbangkon songit ni lapangan bersaksi ni Stepanus, on do ra mabahen lengah angka na porsea i. Alai taingot ma holan kulit luarna do aman alai anggo isina nungnga torop angka naung mate partondionna, sega karakterna dohot moralna nang sian tongatonga ni halak Kristen i sandiri. Nungnga tabereng sandiri di pileg na tanggal 9 April na lewat i, atikpe naung tasoarahon; “unang olo hita dituhor”, alai kenyataanna boi bilangan jari-jari na olo manangihon i, baliksa tahe sian tongatonga ni parhalado i adong hadirionna dituhor ummarga sian sapasang sipatu. Nungnga sega moral dohot karakter ni jolma i, on ma nuaeng lapangan bersaksitta. Unang olo hita sumurut manghatahon na sintong, baik marhitehite di tingki manghatahatai dohot angka ruas nang masyarakat, nang marhite jamita pe. Ditangihon manang ndang nasida ma na manontuhon haputusanna.
3.    Dihatindangkon Stepanus do na ni ida ni mata ni haporseaonna; diida hasangapon ni Debata dohot  Jesus jongjong di siamunNa. Tondi ni Debata do mambahen mata ni haporseaonna marnida i. Pamerengan ni mata ni haporseaon ni angka na porsea i mangalompoi batas-batas ni portibion. Ati pe songon dia timbo ni portibion tu habangsa ni Debata dohot Kristus i alai boi mata ni haporseaon manatapi.  Molo di bibelta i, dung ro pe Kristus paduahalihon asa patar hasangapon i, dohot hasangapon ni na porsea i songon anak ni Debata.
Angka na porsea na mamelehon diri dohot tondina tu Jesus do na boi mamereng hasangapon ni  Jesus marhite mata ni haporseaonna, atikpe so dipapatar Jesus dope hasisingkopna tu portibion, i do na tau mambahen marsangap Jesus i di na hinobasanna, atikpe ndang olo manjangkon na mambege panidangion i. Manontuhon situtu do pamerengan i mambahen marsangap Jesus. Jadi molo sai mangalap sangap, manang gulut di sangap dope angka na porsea i tu dirina sandiri, na holan sabatas di portibion dope panatapanna. Alana sai adong dope nang sian tonga-tonga ni angka hita parhalado di huria i na olo gabe mandele mangula ala ndang dipapujipuji dirina diulaonna.
Taingot ma kesaksian ni si Johannes: “Ia (Yesus) harus makin besar, tetapi aku harus makin kecil”, (Joh 3:30). On do prinsip hidup ni angka na mamelehon diri dohot tondina tu Jesus. Jesus Kristus i ma na marsangap, na lam ganda marhite angka na tahobasi di lapangan bersaksitta, ala naung dibereng mata ni haporseaonta di ngolu sonari hasangapon sipapataronNa marsogot.
4.    Namamelehon diri nang tondina tu Jesus, ido na tuk jala margogo mangondihon angka na manganaana. “Ale Tuhan, unang jujur dosanasida i”, ninna Stepanus. Dihangoluhon Stepanus do tiruan pinapatar ni Jesus di tingki na tarsilang i Ibana, dipandokNa: “Ale Amang marpamuati ma roham, ai so diboto nasida na niulanasida i”.
Ndang adong rugina angka na porsea i molo diondihon ditangiangna angka na manahi hamagoan ni hosana, holan na so margogo do partondionna mangulahon sisongon i. Jati diri ni angka na porsea i, ndada mamaloshon hajahaton balos ni hajahaton, panggosagosaon balos ni panggosagosaon, alai ingkon mamasumasu do, ai naeng teononna do harajaon banua ginjang i.
Jotjot hita ndang margogo mangulahon i ala marguru tu daging hita marparange. Ingkon sai marjuang do hita manaluhon pardagingonta sandiri di ganup tingki dohot ombas marhite gogo dohot huaso ni Tondi ni Debata asa marhamonangan hita. Godang do nuaengon so marnamintop angka sogo ni roha dohot dendam na sai mangonggop hasalaan ni donganna atikpe naung mardalan angka partingkian. Tung mansai dangol situtu do angka parsaoran si songon i. Mian di bagasan Jesus ma ngolunta asa marhaimbaruon ngolunta di panatapan tu dongan di ngolu siganup ari.

III.  Panutup
Jesus Kristus do nampuna ngolunta ala ni panobusonNa marhite hamamateNa. Tapelehon ma diri nang tondinta tu Ibana marhite manghatindangkon Ibana dohot ulaonNa, atikpe dihasogohon portibion hasintongan na pinaojakNa i. Taparade ma Tondi ni Debata mangingani dohot mangajari hita di ngolunta asa marsangap Debata marhite ulaonta di ganup panghobasionta. Amen
Pdt. D. Pasaribu, S.Th
HKI Res. Hinalang Silalahi Balige

Sabtu, 15 Juni 2013

BAHAN JAMITA MEI-JUNI 2013


BAHAN JAMITA
MINGGU, 05 Mei  2013
Minggu Rogate/ Merayakan Ulang Tahun ke- 86 HKI
Ev.: Roma 12: 9-12 (Ep.: Mateus 7: 7-10)
Topik: Bertekun Di Dalam Doa/
Tongtong Di Bagasan Tangiang

I. Patujolo
Somal do disagi angka pande bisuk ni Padan Naimbaru bukku Roma on tu dua bagian; bagian parjolo, bindu 1-11 ima poda na bersifat dogmatis; ai angka ruhut-ruhut ni haporseaon ni halak Kristen do na ditaringoti di si. Bagian na paduahon, bindu 12-16 ima poda na bersifat praktis. Sian na dua bagian i naeng dohonon, songon na nidok ni apostel Jakobus; unang ma holan di teori haporseaon i, alai naeng ma patar parulan ni halak Kristen hombar tu haporseaon na sintong i (Jak. 2:14-20). Turpuk jamitantaon masuk tu horong na paduahon, tarlumobi bindu 12: 9-12 on naeng manogunogu hita asa sintong manghangoluhon holong ni roha songon hataridaan ni hakristenon na sintong, hombar tu suhatsuhat na tinotophon ni Tuhan Jesus (Joh. 13:34-35).

I.      Hatorangan
Ayat 9;
Marpangansi  dihata Indonesia pura-pura. Pandohan i dilapati sian hata gorik hupokrinesthai na marlapatan main sandiwara, bersikap munafik. Tabo di sipareon pandohanna hape di bagasan roha ndang songon hata na haruar, manang adong ditabunihon di bagasan roha. Molo holong na polin ndang adong di si sitabunihonon, alai bersikap jujur do. Molo main sandiwara holong na manegai asiasi ni Debata do i (1 Kor. 12:31), jala manggabusi Tondi Parbadia (Ef. 4:30 pat Ul. Ap. 5: 1-11). Holong na polin i boi tubu jala lam tu tangna parjolo di tonga ni parsaoran ni huria, dungi marsinondangma tu duru ni parsaoaran ni huria i, isarana marnegara, maratasan dohot marbawahan.
Holong na sejati tontu manghagigihon hajahaton, ndang gabe pasombusombu hajahaton songon gaya ni malim Eli maradophon angka anakna. Asa ingkon busisaon do halak naung manghangoluhon holong na sintong i molo masa angka na lipe, hajahaton dohot angka na hurang di humaliangna. Molo nungnga dipinsang alai ndang dijangkon sumurut ibana  sian i asa unang gabe menular tu diri sandiri. Angka na denggan do sipareakon ni angka naung manghangoluhon holong na sejati. Mengabdikan diri pada yang baik, mamparungkilhonsa sian nasa ateate dohot roha parbagasan.

Ayat 10;
Udut ni ayat 9 do pandohan; ingot hamu ma holong ni roha sama dongan Kristen. Di tonga ni parsaoarn ni huria, saluhutna ruas ingkon manghangoluhonsa. Parsaoran ni huria gabe songon parsaoran ni sada keluarga; adong hajonokon, kehangatan dohot kemesraan. Ido umbahen di huria ta sise dongan sahaporseaonta dohot pandohan; “amanami/ inanami”, “bapa/ ibu dan saudara/i”, ndada tuan-tuan manang nyonya.
Diginjang ni, di tonga ni parsaoran i, masijolojoloananan masipasangapan. Dapot do na masipasangapon molo sumurung rajuman dongan sian diri niba sandiri. Lapatan ni sumurung, ndada ala na umpistar, umbijak umbahen sumurung rajuman, alai patuduhon hatotoruk ni roha do i. Angka na martoruk ni roha do mangarajumi donganna sumurung sian dirina, atik pe ummalo, umbijak ibana sian donganna (pat. 1 Kor. 12:22-23).

Ayat 11;
Ringgas ni roha di hata Indonesia kerajinan. Tu saluhut halak Kristen do joujouon, ndada holan tu angka parhalado i huria. Pandohan ringgas ni roha manang kerajinan, paingothon hita tu pandohan ni apostel Paulus taringot tu na marsiadu/ berlari na di 1 Korintus 9:24 pat. Pilp. 3:12-15. Artina, ndang na pauliulihon di parsaoran ni halak Kristen i molo masa surut ni ringgas ni roha. Molo masa na songon i ma tanda-tanda kemunduran jala pasti adong na so beres di parsaoran i. Alai songon jolma biasa halak kristenan i na boi masa do i tutu di pardalanan ni tingki, holan on tutu, atikpe adong na hurang beres di angka berbagai hal, ingkon tongtong do haringgashononna laho patureturehon. Adong parniulaan laho paturehon, ndada gabe patubuhon tu hasuruton ni ringgas ni roha manang menghindar sian parsaoran i.
Partondi nagirgir (indo; berkobar-kobar) ma hamu, ninna apostel Paulus. Partondi na berkobar-kobar, molo digombarhon i tu aek ima aek na gurgur. Lapatanna, halak na penuh semangat do ianggo halak Kristen, ndada mohop satongkin, manang dangoldangol sisilon. Miak ni semangat na berkobarkobar i ma holong ni roha naung jinalona sian Debata di bagasan Jesus Kristus. Asa ingkon tangkas situtu halak Kristen mangarajumi holong ni Debata tu dirina dibagasan/ marhite Jesus Kristus. Asing sian i, mellep do hakristenon i, mohop-mohop satongkin molo di luar ni i do na memotivasi.
Ringgas ni roha dohot partondi na berkobar-kobar (girgir) tujuanna laho mangoloi Tuhan i di bagasan parsaoran nang ngoluna sandiri. Lam tu hehena do parsaoran ni huria di holong, di hatoguon ni parsaoranna laho manghobasi angka ulaon na ringkot di Tuhan i, molo sude ruasna partondi na berkobarkobar (memiliki semangat hidup yang tinggi).

Ayat 12;
Pangkirimon ni halak Kristen manuanhon tu halak Kristen i sandiri las ni roha, ai nasa bagabaga ni Debata pasti do jala sintong ingkon tulus di tingkina. Andorang so dapot dope hatutulus ni bagabaga i, halak Kristen ingkon marbenget ni roha di angka haporsuhon. Haporsuhon dilapati do sian hata gorik thlipsis, arti sejatina mandondoni, mambebe. Molope diadopi parungkilon na mandondoni jiwa ni halak Kristen, manang masa angka pambebeon, sotung gabe dipalua na hinirimna marhite bagabaga, alai ingkon manongtong benget marningot sipatuluson ni Debata di tingkina, ima parbue ni na hinirimna. Alani i dua do sipilliton ni halak Kristen; na parjolo, marbenget ni roha jaloonna ma parbue ni na hinirimna. Napaduahon, molo ndang manahan di panggosagosaon manang dipambebeon na masa, luangan ma ibana di na pinarbaga ni Debata.
Asa manahan di haporsuhon na naeng sidaopan, tangiang do pangalapan gogo di angka na porsea. Manongtong martangiang tu Debata, ai Ibana do nampuna habengeton dohot pangapulon (Rom. 15:5) di angka na manghirim di Ibana. Tangiang do pahehehon ringgas ni roha dohot tondi na berkobar-kobar di angka na porsea. Songon dia dalanna? Molo naeng kandas pe semangat hidup ni halak Kristen alani angka pambebeon, diajari Tondi i do tondinta mangido gogo tu Debata. Alani, ingkon jugul do angka na porsea martangiang, sebab doa merupakan pintu masuk bagi Roh, dan pintu masuk itu akan tetap terbuka (pat. Ul. Ap. 1:14, 2:42, Kol. 4:2 pat Eps. 6:18).

III. Usul sipatolhason di Jamita
Tongon do nuaeng di bagasan minggunta sadarion, marolopolop hita marningot naung 86 taon hurianta HKI. Sungkun-sungkun tu hita saluhutna; Nungnga lam tu torasna holong mangula dohot mangarahut parsaoranta? Nungnga lam tu tangkasna na masijolojoloanan masipasangapan di hita? Lam tu ringgasna do saluhutna ruas ni huria mangoloi Tuhan i? Nungnga sude ruas ni HKI mangarajumi tangiang mual ni gogo? Marhite turpuk jamitaon, adong piga-piga hal sipahusorhusoron di bagasan rohanta ganup;     
1). Holong na so marpangansi, ima holong na marpangulaon, na patar di parsaoran siganup ari. Sandok panggulmit ni ngolunta naeng ma tongtong dirahuti holong ni roha. Roha holong mambahen sada halak girgir patupahon ulaon na denggan. Boi do marhite na sai tasangkapi na denggan dompak dongan, gabe tubu holong ni roha dompak dongan i. Marhite na pasomal somal dirinta pasiding na jahat, boi do gabe tubu holong ni roha di dongan. Sabalikna, molo taloas masuk angka pingkiran na roa taringot tu dongan na hinaholongan, pinasiat tu roha angka tuhastuhas na so tangkas dompak donganta, boi do runsur jala peut holong ni rohanta tu dongan. Ido umbahen pareahan (pilliton) na denggan, unang na jahat, asa magodang holong ni roha di bagasan hita. Ingkon manat do hita di angka parjahat na late roha mida angka na masihaholongan, na girgir mamolamola asa masihosoman angka na maraleale didok rohana. Songon hapataran ni pamatang ni Kristus hurianta HKI di portibion, naeng ma tangkas hita masitumpahan di bagasan holong.

2). Saluhutna ruas ni HKI ingkon ruas partondi na girgir. Partondi na girgir ima ruas na so mura mandele atikpe tarsosak dibahen portibion; tongtong manghirim di parbue na tonggi atikpe mansai mangogo halisungsung manghutur bunga dohot mutik ni hau na denggan i. Ala ingkon jugul do hita di ngolunta partangiangon mangido gogo dohot habisuhon sian Debata nampuna jala ulu ni huria i.
Sude ruas ingkon mangkangoluhon semangat na berkobarkobar laho pahehehon parsaoranta di HKI. Tulus do i molo sude mangarajumi naung dihaholongi Debata ngolunta di bagasan Kristus Jesus. Saluhutna sipatupaonta laho pauliulihon parsaoranta, pangongkuhonon i ma na mangonjar. Molo tungil do ngolunta di pangongkuhonon i maol do hehe parsaoranta di ulaon marturia, dakonia dohot diakonia; marpengpeng parsaoranta di ulaon na masitumpahan di holong ni roha na polin.

3). Lam tu tangkasna ma hita saluhutna masijolojoloanan masipasangapan. Dapot do i molo sude manghangoluhon toruk ni roha, songon Jesus Kristus na patutoruhon dirina gabe jolma jala disolukhon rupa hatoban. Napasangaphon dongan do hita molo olo hita manangihon manang manjangkon hata ni dongan, alai ndang na pasangaphon goarni i molo ingkon hatanta na ingkon sibegeon ni dongan. Baliksa gabe surut ringgas ni roha manang manarik diri sian parsaoran i, ala so siat hatanta. Napasangaphon dongan do hita molo rade masitungkar pingkiran di tonga ni huria i. Napasangaphon dongan do hita molo rade hita masiurupurupan diangka ulaon na adong di tonga ni huria i.

IV. Panutup
Pamatang ni Kristus do hita ruas ni HKI, ruas ni huria na sai gomos maniop pangkirimonta. Andorang so dipatulus Debata do dope na tahirim i, manongtong ma hita marbenget ni roha, manonongtong patuduhon holong na sejati, manongtong masijolojoloanan masipasangapan di tonga ni parsaoranta di HKI. SELAMAT ULANGTAHUN HKI NA PA-86 HON. Amen


BAHAN JAMITA
MINGGU, 12 Mei  2013
Minggu Exaudi
Ev.: Johanes 17: 20-26 (Ep.: Pangungkapon 22: 12-27)
Topik: Menyatu Dengan Yesus/
Marhasadaon Rap Dohot Jesus
I. Patujolo
Ndang dihalomohon Debata angka na porsea (si ihuthon Jesus, angka siseanna) masiboan angka dalanna be, masisarihon na di ibana be, manang markelompok-kelompok alani angka parmudaron, parhahamaranggion/ marga, alani elaelana, alani status, golongan sosial ekonomi manang alani angka parluaton/ huta. Marmassam do latar belakang ni angka sisean, angka na porsea i, asing be do angka haroroanna be, pribadi, pola pikir, parbinotoan, budaya dohot ststus sosial ekonomina be gabe tarjou tu hangoluan, haluaon na pinarade ni Debata. Alani i unang adong angka na porsea i na holan manarihon angka na ringkot di dirina be, kelompokna alai ingkon di bagasan hasadaon songon pamatang ni Kristus jala masihaholongan (pat. Rom. 12: 3-10, 1 Kor 12:1ff, Pilp. 2: 1-5).
Ai nungnga sada angka na porsea i di bagasan panjouonna. Sada do hita di bagasan Jesus Kristus, jala rap do hita nampuna jala panean di hangoluan sogot. Tarida do i sian tangiang hamalimon ni Jesus (doa imamat Yesus), tangiang pangondianon na khusus jala khusuk tu angka na porsea dohot na naeng porsea. Tangiang hamalimon i; unang masiboan dalanna be ia dung sidung partingkian ni Jesus di tongatonga ni portibion laho patulushon sangkap ni Debata. Ndang dihalomohon Jesus hagaoron, holan manarihon dirina be, masiboan dalanna. Alai na hinalomohon ni Jesus; marsada, marsaor, mardame, masihaholongan, masihobasan, masiaduan, masiduloan, masipatureturean dohot masitangiangan. Unang adong na manimbil sian parsaoran na hinongkop ni mudar ni Tuhanta Jesus angka na mangihuthon Ibana.
Di tangiang hamalimon ni Jesus na di turpukon ma na gabe  misi ni gareja (angka na porsea) di tongatonga ni portibion, asa unang adong be nian huria na holan mamingkiri bangunan ni gareja lokal (setempat), na mampu (kota) holan mamingkiri bangunan ni garejana (secara fisik). Unang ma nian marsiadu laho mambahen dohot mamangke anggaranna be ala nungnga balga pelean minggu, perpuluhan, hamauliateon tu huria, hape molo ro sian hurai na pogos, na sian desa ndang tarungkap mangurupi; manang molo adong situmpahan tu ulaon hatopan maol mangharuarhon hepeng. Molo ditangiangkon Jesus siseanna asa sada, di si do hataridaan ni pamatang ni Kristus jala i do tujuan ni na mangihuthon Jesus. Ingkon sada do huria i songon pamatang ni Kristus, nangpe asing inganan, luat, situasi keadaan ekonomi sosialna be. Marparsaoran huhut masiurupan ma huria na sada tu huria na sada, i do hataridaan ni huria na missioner, berkoinonia, mardiakonia dohot na marpanindangion.

II. Hatorangan Ni Turpuk
Ayat 20;
Tangiang ni Jesus mangaranap dao tu jolo, ai ndang holan na tarida dimata ditangiangkon dohot do na so tarida di mata alai na di bagasan haporseaon dohot pangkirimon di ulaon ni Debata. Pangkirimon na mangula do angka sesiean i jala marparbue marhite na tamba dope angka na porsea. Manatap do Jesus dao tu jolo jala na tamba dope bilangan ni angka na porsea. Isi ni tangiang i patuduhon ulaon ni Debata ndang tarambatan ni jolma di partamba ni bilangan ni angka na porsea i.
Pandohan, “alai ndang holan nasida hutangiangkon, dohot do angka na naeng porsea dope di Ahu”, manogihon hita laho manangiangkon ulaonta asa tamba angka na porsea. Tangiangkononta do angka na so porsea, na so manjalo barita na uli i asa dibungka Tuhan i rohanasida laho manjalo barita na uli i. Tangiang ni Jesus i mambuka dalan dohot lapangan penginjilan tu angka na so porsea. Bidang dope sisabion ni angka sisean, bidang dope ulaon pararathon barita na uli, ai godang dope na so porsea. Angka na naeng porsea dope adong do di nahumaliang hita be. Ia di si hita (gareja) jongjong di si adong do angka na naeng porsea sihobasanta. Alani i do huria na missioner ima huria na marpaningdangion, mambahen ulaon panindangion i tu na humaliangna marhite angka ulaon na denggan.

Ayat 21+23-24;
Asa sada angka na porsea i songon hasadaon ni Jesus Kristus dohot Ama i. Sangkap dohot lomo ni roha ni Debata do hasadaon, jala molo sada angka na porsea i songon Jesus Kristus sada dohot Ama i, ima sada tanda gabe porsea portibion na sinuru ni Ama i Tuhan Jesus. Jesus Kristus do na pasadahon hita jala gabe sada hita dohot Ibana nang dohot Ama i. Nahinalomohon ni Jesus Kristus ima hasadaon ni angka na porsea (oikumene) marsada di bagasan Jesus Kristus. TangiangNa do i tu Ama i; asa sada nasida saluhutna songon Ho, ale Amang di bagasan Ahu jala Ahu di bagasan Ho, songon i ma nang nasida di bagasan hita asa porsea portibion Ho marsuru Ahu. Ndang tarbahen so adong be perbedaan ni angka na porsea secara fisik, status sosial, ekonomi, budaya alai sada do hita di bagasan perbedaan i. Ai perbedaan i ndang na laho paholangkon hita be alai na gabe pasadahon hita do songon pamatang ni Kristus, ai sada do hita songon pamatang ni Kristus (Rom. 12:4-8, 1 Kor. 12:12-27).
Hasadaon ni angka na porsea i ma sada di haporseaon, sada holong ni roha dohot pangkirimon tu Debata di bagasan Jesus Kristus. Jala jumpang songon parrohaon ni Kristus Jesus di angka na porsea i (Pilp. 2:1-11). Molo so sada angka sisean i manang angka na porsea i beha ma gabe porsea halak na asing jala olo mangihuthon Tuhan Jesus. Hasadaon i do hataridaan ni na tutu angka sisean, na porsea tu Jesus. Alani do ingkon hangoluhononta do hasadaon di tonga ni jabu, huria, huria dohot huria na asing nang dohot bangsotta. Jala tiruan hasadaon i ma hasadaon ni Jesus tu Ama i, molo dung di bagasan Jesus hita nungnga sada hita di bagasan Ama i jala gabe porsea ma portibion tu Jesus Kristus na sinuru ni Ama i. Haporseaon ni halak gabe tubu ala naung diida hasadaon ni angka na mangihuthon Jesus jala porsea nasida na sinuru ni Debata Jesus tu portibion.
Tapatuduhon ma patulushon tangiang ni Jesus i di hasadaonta angka na porsea gabe panindangion na mangkorhon tu haporseaon ni portibion. Tangiang hasadaon na dipangido Jesus; “Ahu ma di bagasan nasida jala Ho di bagasan Ahu asa sun denggan hasadaon nasida, gabe diboto portibion Ho marsuru Ahu jala holong roham di nasida songon holong ni rohaM di Ahu. Ale Amang, naeng ma di rohangku, ia di si Ahu, di si ma dohot angka na ni lehonMi tu Ahu, asa diida nasida hasangapon na di Ahu, na nilehonMi tu Ahu; ai holong do rohaM di Ahu, jumolo asa ojak portibion”.

Ayat 22;
Nungnga dilehon hasangapon tu angka sisean (na porsea). Silehonlehon ni Debata Ama tu Jesus Kristus ima hasangapon, asa angka sisean i pe nungnga manjalo hasangapon na dos songon tu Jesus. Nungnga marsangap angka na porsea i ala naung dijalo jala dihaporseai Jesus Kristus. Gabe mulak ma hinaarga ni jolma di jolo ni Debata (panompaon na parjolo tudos tu rupaNa) baoa nang boruboru dos di jolo ni Debata, rap arga jala sangap.
Asa hasangapon ni angka na porsea ndada ukuran ni portibion; ala godang sinamot, hamoraon/ arta, pangkat/ jabatan, torop ni pomparan/ hagabeon, memang na ringkot do i saleleng di portibion, alai holan saleleng di portibion do i. Dung jumpang tingkina tading,  salpu do i sudena, alai ro ma ari sogot; tu dia ho dung mate? Alusi ma. Hasangapon na nilehon ni Debata tu angka na porsea i ma mulak hita arga di jolo ni Debata, ai dihaholongi, ditobus hita sian hamagoan. Hasangaponta ima mulak hita gabe nampuna harajaon ni Debata, anak haholonganNa jala na niasianNa.

Ayat 25-26;
Di bagasan tangiang ni Jesus tangkas hadirion, sifat/ hakekat ni Debata dohot panandaon ni Jesus, asa laos songon i ma panandaon ni sisean i. Debata Ama i na bonar, na so adong na bonar di portibion ia so Debata Ama i. Alani i do di tangiangna ditujuhon tu Debata na tangkas ditanda Ibana, alai ndang ditanda portibion. Alai angka sisean i, angka naung porsea diboto na sinuru ni Ama i do Jesus Kristus tu portibion, nungnga diboto nasida Ama na bonar na marsuru Jesus i.
Nungnga dipabotohon Jesus Goar i, jala pabotohononNa dope, artina ingkon pasidungonNa do ulaon i sahat tu nasingkop. Tingki na adong i dipangke dope laho pasingkophon. Ingkon singkop do holong ni roha ni Debata na di bagasan Jesus i tandaon, botoon ni angka sisean i, asa boi tangkas sisean i mangolu di bagasan holong ni roha ni Debata. DipangkophopNa i, narade Ibana manaon na porsuk, pola tarsilang ido patandahon na holong rohaNa di hita jolma pardosa. Dipasingkop do sude ulaonNa sahat tu na olo mate tarsilang, asa mulak mardenggan jolma i tu Debata dohot tu donganna jolma. Ibana do padengganhon hita tu diriNa (2 Kor. 5:18-19).
Asa di bagasan nasida holong ni rohaMi na di Ahu. Songon dia holong ni roha ni Debata tu AnakNa Tuhan Jesus Kristus songon i do holong ni rohaNa tu jolma i. Holong ni roha ni Debata na olo manjalo hita mulak gabe anakhonNa, nangpe so patut be hita sian dirinta, ala asi ni rohaNa, mulak do rohaNa manjangkon hita gabe anakhonNa (pat. Luk. 15: 11-24).

III. Usul Sipasahaton Di Jamita
1). Ulaon na parjolo siulahonon ni angka na poso ni Debata dohot angka na porsea ima ngolu sipartangiang. Manangiangkon ngoluna dohot ulaonna, laho pasahathon dirina hibul tu Debata. Asa di bagasan pangaramotion ni Debata sude ngolunta dohot na pinasahat ni Debata tu hita nang angka ulaonta pe. Naeng pabotohononta di tangiangta tu Debata aha na ta ula, na naeng siulahononta, aha na boi masa pangkorhon ni ulaonta tu hita dohot tu donganta. Tiruan di hita ima Tuhan Jesus gabe sipartangiang, alani i ingkon ngolu sipartangiang do angka siihuthon Jesus. Jala ndada holan dirinta sitangiangkononta alai saluhut na pinasahat ni Debata tu hita, nang angka donganta asa tongtong mangihuthon Jesus jala tamba angka na porsea. Nang angka na so porsea i tongtong do tangiangkononta ai i do tugas ni angka na mangihuthon Jesus.
Tangiang pangondianon do ngoluni angka na porsea, songon na pinatupa ni Jesus. Tangiangkononta angka donganta laho mangadopi angka na masa di ngoluna. Angka donganta pe tongtong do mangadopi songon na ta adopi di ngolunta siganup ari. Molo ta adopi angka ragamragam ni na jat, donganta pe tong do mangadapi angka ragam ni hajahaton. Asa hita nang dongan mampu bertahan, margogo, manahan sahat ro di ujung, marhamonagan mangadopi portibion. Taboan ma di tangiang angka dongan asa unang madabu tu pangnjunan, asa tongtong marhabadiaon di sude angka ngoluna siapari. Ai godang do na boi mambahen gabe madabu tu pangunjunan.
Disuru do hita gabe sitindangi, siulahon hasintongan, hatigoran, dame, holong ni roha di tongatonga ni portibi na godang angka hamaolon. Suruan ni Debata do angka sisean, na porsea di tongatonga ni portibion laho pararathon na hinalomohon ni Debata ima harajaon ni Debata; marhite ulaonta, panghataion, parangetta gabe porsea halak na asing tu Jesus Kristus. Antong masitangiangan ma hita asa sude maruli gogo manghangoluhon lomo ni roha ni Tuhan dohot manogunogu angka na so porsea tu Jesus Kristus.
2). Tatangiangkon ma ulaonta na so tarida dope parbuena. Unang ma holan na tarida parbuena ta tangiangkon alai ingkon dohot do angka na so tarida dope parbuena. Molo so pintor tarida na taula, na paima tingkina do i. Nanaeng rope ingkon do tangiangkononta. Angka na so porsea, na so manjalo barita na uli, na so mangan, na so minum, na hurang parbinotoanna dohot angka na asing. Ingkon porsea do hita di tingkina jumpang do na denggan muse molo sai taulahon angka ulaon na denggan (Gal. 6:9-10). Godang do sitangiangkonon angka na naeng tarida idaonta na denggan di tongatonga ni ulaonta, keluarganta, hurianta dohot masyarakat nang bangsonta asa tu lobi sejahterana.
3). Hasadaon i do hataridaan ni angka sisean na tutu, angka na porsea. Unang gabe holan citacita manang bahasa jamita hasadaon, hape ndang dihangoluhon hasadaon. Asa porsea halak tu hita na sisean hita ingkon gabe kehidupanta/ karakterta/ kepribadianta do hasadaon  di tongatonga ni angka perbedaan pikiran, pandapot. Sada di bagasan haporseaon, holong dohot pangkirimon tu Tuhanta i. Sipatuluson do hasadaon i di tongatonga ni jabunta, keluarganta, huriana, luatta dohot bangsonta. Molo tapatuduhon hasadaon i do gabe panindangion tu angka na so porsea dope. Ido dalanta pasangaphon Debata, marsangap ma Tuhan i di ngolunta, jala pasangapon ni halak ma hita ala nungnga jumpang ngolu na masipasangapan songon na pinatupa ni Tuhan i. Tanda naung sada hita di bagasan Tuhan ima hasadaonta, jala jumpang holong ni roha songon Debata na manghaholongi hita songon i ma holong ni rohanta. Tarida ma ngolu na sada do angka na porsea i di bagasan Tuhan i molo masiurupan, masitangiangan jala tahobasi angka donganta na male, na mauas, na buro, na marsahit, dohot angka ulaon na asing ulaon di tonga ni huria i (pat. Mat. 25:35-46).
IV. Panutup
Hasadaon i do hataridaan ni angka na porsea. Tongtong ma taradoti hasadaon di tongatonga ni keluarga, huria, masyarakat dohot bangso. Masitangiangan, masiurupan, jala marsiadu ma hita mambahen na denggan laho pauliuli hasadaon asa lam porsea na so mananda Jesus. Amen

Ginurithon Ni:
Pdt. D. Pasaribu, S.Th
Pdt HKI Res. Hinalang Silalahi Balige   















BAHAN JAMITA
MINGGU, 19 Mei  2013
Pentakosta I
Ev.: Johanes 14: 15-26 (Ep.: Roma 8: 14-17)
Topik: Roh Mengingatkan Pengajaran Yesus/
Tondi Parbadia Paingothon Angka Poda Ni Jesus
I. Pengantar
Pada umumnya, kita semua tidak menghendaki perpisahan, terutama berpisah dengan yang kita kasihi atau kagumi. Satu hal yang pasti, kalau ada pertemuan maka perpisahanpun akan terjadi. Hal yang penting bagi kita bukan menyesali mengapa terjadi pertemuan atau perpisahan, tetapi bagaimana atau sejauhmana kita memaknai pertemuan tersebut, sebelum perpisahan terjadi. Hal itulah yang dapat kita saksikan dalam Yohanes pasal 14-17, yaitu kata perpisahan dari Yesus sebelum peristiwa penderitaanNya yang berujung pada kematian. Tentu dengan peristiwa  tersebut para murid akan jatuh pada krisis iman oleh karena perpisahan mereka dengan Yesus. Oleh karena itu pada nats kita ini, Yesus menghibur para muridNya dengan menjanjikan Roh Penghibur yang akan membangkitkan serta menguatkan mereka. Ketika perpisahan Yesus dengan para murid belum terjadi, Yesus memaknai pertemuan atau persekutuanNya dengan para muridNya dengan membangkitkan semangat hidup serta penguatan, supaya para murid tetap hidup dalam semangat persekutuan dengan Yesus serta kuat sebagaimana sebelum berpisahan yang disampaiakn Yesus terjadi.

II.    Penjelasan Nats
Ayat 15;
Kasih dan ketaatan adalah dua hal yang tidak dapat dipisahkan. Dalam ayat ini jelas kita lihat bahwa kasih kepada Yesus ditunjukkan dengan ketaatan, sebagaimana teladan yang telah ditunjukkan oleh Yesus; ketaatanNya sampai mati adalah wujud dari kasihNya kepada Allah Bapa yang telah mengutusNya, demikian juga ketaatan manusia kepada Yesus adalah bukti bahwa seseorang itu mengasihi Yesus. Artinya, kasih bukanlah hanya sebatas kata-kata manis, tetapi harus terbukti dengan aksi yang nyata, yaitu ketaatan. Mengasihi Yesus berarti turut/ taat kepada segala perintahNya serta melaksanakannya. Dalam Yohanes 15: 10, Yesus berfirman; “Jikalau kamu menuruti perintahKu, kamu akan tinggal di dalam kasihKu, seperti Aku menuruti perintah BapaKu dan tinggal di dalam kasihNya”. Jadi mengasihi bukanlah persoalan yang gampang, karena harus nyata dengan ketaatan yang sungguh-sungguh menuruti perintahNya, demikianlah halnya agar kita tinggal di dalam kasih Yesus Kristus.

Ayat 16-17;
Penyertaan oleh Roh dari Allah. Menuruti serta melaksanakan perintah Yesus merupakan perjuangan iman orang percaya, dan hal tersebut bukanlah hal yang mudah diwujudkan, terlebih para murid dalam keadaan tidak lagi bersama dengan Yesus. Dalam situasi demikian, Yesus  meyakinkan para muridNya dengan menjanjikan seorang penolong, yaitu Roh Kebenaran, yang dalam bahasa Yunani disebut Parakletos. Ada dua kata yang biasa dipakai untuk menerjemahkan kata Parakletos. Pertama Comforter  artinya penghibur; kedua Helper artinya penolong. Biasanya orang Yunani memakai kata  Parakletos  dengan pengertian seseorang yang dipanggil menjadi saksi untuk membela seseorang yang sedang menghadapi proses pengadilan. Kemudian, seseorang yang dipanggil memberi semangat baru kepada tentara yang baru pulang dari medan peperangan. Dari pemakaian kata Parakletos di atas dapat kita simpulkan bahwa Parakletos  adalah seseorang yang dipanggil untuk menolong orang yang patah semangat supaya menjadi kuat dan gagah berani. Eksistensi yang demikianlah yang dijanjikan oleh Yesus kepada para muridNya, yaitu Roh Kudus.
Perpisahan Yesus dengan para murid menjadikan mereka menjadi tidak berdaya dan patah semangat, tetapi oleh karena kehadiran Roh Kudus para murid dan orang percaya menjadi orang yang kuat dan memiliki semangat hidup. Dalam Yohanes 16: 8-15 jelas kita lihat tentang pekerjaan Roh Kudus yaitu; menginsyafkan dunia akan dosa, kebenaran dan penghakiman, memimpin ke dalam seluruh kebenaran, memuliakan dan memberitakan segala sesuatu dari Allah Bapa. Memang dunia tidak mengenal Roh itu, tetapi orang yang percaya mengenal Roh itu, karena orang percaya hidup di dalam Roh itu dan Roh itu tinggal di dalam hidup orang yang percaya.

Ayat 18-21;
Yesus tetap beserta orang yang percaya. Sudah dapat dipastikan, bahwa perpisahan Yesus dengan para muridNya akan dengan sendirinya menimbulkan kegelisahan dan kegusaran hati para murid karena akan ditinggal oleh sorang guru yang baik dan dikagumi, bahkan digambarkan seperti kehilangan bapa, yaitu yatim piatu (Yunani; orphanos artinya tanpa bapa). Artinya, sepertinya tidak ada lagi yang bertanggungjawap atas mereka dan yang memberikan petunjuk hidup, karena Yeus akan meninggalkan mereka dan pergi kepada Bapa. Dalam keadaan yang demikian, Yesus berfirman; “Aku tidak akan meninggalkan kamu … Aku datang kembali kepadamu”. Kedatangan Yesus yang dimaksud di sini adalah menunjuk kepada kebangkitanNya dari kematian. Kendatipun Yesus akan mengalami kematian tetapi Dia akan bangkit pada hari yang ketiga. Kebangkitan Yesus adalah bukti kebersamaan Yesus dengan orang yang percaya, oleh karena itulah Yesus mengatakan; “ …kamu akan melihat Aku sebab Aku hidup dan kamupun akan hidup”. Tentu hidup yang dimaksud Yesus di sini bukan berfokus kepada hidup kedagingan tetapi hidup rohani. Dengan demikian, kebangkitan Yesus merupakan jawaban terhadap segala keraguraguan yang muncul di antara para murid dan orang yang percaya sepanjang masa (band.: 1 Kor. 15: 13-19). Kebangkitan Yesus menyatakan kepada dunia ini bahwa Allah bekerja di dalam Yesus, orang yang percaya hidup di dalam Yesus dan Yesus di dalam hidup orang yang percaya. Oleh karena itulah Yesus mengulangi perkataanNya: “Barangsiapa memegang perintahKu dan melakukannya, dialah yang mengasihi  Aku. Dan barangsiapa mengasihi Aku, ia akan dikasihi oleh BapaKu dan Akupun akan mengasihi dia dan akan menyatakan diriKu kepada dia”.

Ayat 22-26;
Yesus menyatakan diri kepada orang yang mangasihi serta melakukan perintahNya. Yesus menjawab pertanyaan Yudas; tentang sebab Yesus menyatakan diri kepada para murid, dan bukan kepada dunia. Alamat penyataan diri Yesus adalah orang yang mengasihi dia, serta membuktikan kasih itu dengan ketaatan melakukan firmanNya. Hanya kepada orang yang mengasihi Yesus, Dia akan menyatakan diriNya, walaupun semua manusia dapat dipakai untuk mewujudkan rencana keselamayanNya. Penyataan diri Yesus serta merta dengan penganugerahan keselamatan, dan keselamatan tersebut adalah berkat rohani bagi orang yang menerima penyataan tersebut. Dunia menunjuk kepada orang yang menolak Yesus serta yang tidak mau menerima Yesus sebagai inkarnasi Allah dalam daging manusia. Olehkarena itu dunia tidak akan menerima penganugerahan keselamatan yang dibawa oleh Yesus. 


III. Pokok-Pokok Khotbah
3.1. Kepatuhan. Aksi nyata kasih adalah kepatuhan atau ketaatan. Keduanya adalah satu kesatuan yang tidak dapat dipisahkan. Menyatakan diri mengasihi Yesus berarti turut, taat dan patuh kepada perintah Yesus di dalam perilaku hidup sehari-hari serta memelihara firman Yesus. Hanya kepada orang-orang yang menuruti firmanNya Yesus menyatakan diriNya. Bersaksi mengasihi Yesus tetapi tidak menuruti perintahNya adalah membohongi diri sendiri. Kasih kepada Yesus nyata dalam interaksi sosial kita sehari-hari. Setiap orang di sekeliling kita harus merasakan bahwa kita mengasihi Yesus (band. 1 Yoh. 4:20, Mat. 22:39) melalui perbuatan dan tingkah laku.

3.2. Orang yang hidup di dalam kasih Kristus, dan Kristus memerintah di dalam dirinya adalah orang yang akan berjuang menuruti perintahNya, dialah yang akan menerima kesempurnaan keselamatan saat ke datangan Kristus keduakali. Perilaku hidupnya sehari-hari sebelum kedatangan Kristus akan membuahkan aksi yang nyata di dalam persekutuannya kepada Allah, kepada sesama manusia serta lingkungan alamnya.

3.3. Roh Kudus akan bekerja di dalam setiap pribadi orang yang percaya untuk menghalau segala keraguan akan masa depan hidup kita; menghalau segala ketakutan yang sedang menghadang kita. Kehadiran Roh Kudus meyakinkan setiap orang yang percaya bahwa Allah tidak meninggalkan kita sesaatpun. Dia akan mengarahkan serta memimpin kita kepada kebenaran Allah. Dia akan memberi semangat hidup dalam perjuangan iman kita; memberi kekuatan untuk memenangkan hidup di dalam iman kepada Dia. Hingga pada saat ini Roh Kudus tetap bekerja untuk memelihara setiap orang yang percaya.

Ginurithon Ni:
Pdt. Dormen Pasaribu, S.Th
HKI Res. Hinalang Silalahi Balige






BAHAN JAMITA
MINGGU, 09 JUNI 2013
2 Setelah Trinitatis
Ev.: Lukas 7: 11-17 (Ep.: 1 Rajaraja 17: 17-24)
Topik: Perhatian Khusus Kepada Ibu Yang Menderita/
Panarihonon Na tarlumobi Tu Ina Na Marporsuk

I. Hatorangan Pangurupi
1). Holan parevanggelium Lukason do na manggurithon barita na pinangolu ni Jesus sahalak dolidoli ni huta Nain, ianggo si Mateus, Markus dohot Lukas ndang adong digurithon nasida barita i. Alai ianggo barita na pinangolu ni Jesus boru ni si Jairus na di Lukas 8:40-56 adong do i digurithon si Mateus (9:18-26) dohot si Markus (5:21-43). Tubu sungkun-sungkun, boasa songon i ate? Ingkon rajumanta do ia angka parevanggelium on ndada wartawan na manggurithon songon laporan, alai barita panindangion do na ginurithonna nasida be, songon barita panindangion tontu na boi marasing do panindangion ni sahalak tu sahalaknari hombar tu tujuan sieahannasida be. Dungkon ni i muse, na boi do marasing sumbernasida laho manggurithon panindangionnasida be. Isarana, na boi marasing do panindangion ni si A dohot si B taringot tu sada barita na masa. Sada na ringkot naeng berengonta di si, masitumpahan do i sude laho pamorahon angka na porsea i mananda Jesus na hinatindangkon ni parevanggelium i.
2). Di ujung ni ayat 15 turpuktaon didok; “dilehon ma ibana (dolidoli) tu inana”, sarupa tu pandohan na di 1 Rajaraja 17:23, uju dipangolu si Elia anak ni sahalak ina na mabalu. Pasti do panurat Lukkas mangingot barita na di 1 Rajaraja 17 i uju mamaritahon na di turpuktaon. Dalan ni si Lukkas do i naeng manghatindangkon paboa Jesus umbalga sian si Elia na na hinaporseaan ni halak Jahudi songon patujolo ni Mesias na naeng ro i.
3). Dipeakhon si Lukas do barita na di turpuk jamitantaon di jolo ni barita na di Lukas 7:22. Di Lukas 7:22 adong isi ni alus tu na sinuru ni si Johanes manangkasi ise do Jesus; “…laho ma hamu mamaritahon tu si Johannes na ni ida jala na binegemuna on …mulak mangolu do angka na mate”. Mangihuthon parpeak ni turpuktaon parevanggelium Lukas naeng manghatindangkon, ia Jesus ima mesias manang Kristus na ro mamboan haluaon manang keselamatan. Tung mansai ringkot situtu do tangkas haiseon ni Jesus i, lumobi ma di tongatonga ni halak Jahudi na sai maimaima diharoro ni mesias, atikpe tung mansai tartutup mata nang rohanasida mamereng paboa haroro ni Jesus, ima haroro ni mesias.
4). Tudu-tudu do na masa di turpuk jamitantaon tu haheheon ni Jesus muse. Molo marhuaso Jesus pahehe na mate, berarti ditaluhon huasoNa i do huaso ni hamatean i na mangihot angka jolma ditoru ni tano i. Haheheon ni Jesus sian na mate ima hasisingkop ni hamonanganna maralohon huaso manang sorop ni hamatean i.

II. Hatorangan Ni Turpuk Jamita
Ayat 11-13; Huta Nain ima huta na di parbatasan ni Galilea dohot Samaria, hira-hira 10 Km sian tenggara ni Nazaret. Samaria ima inganan ni halak sipelebegu mangihuthon halak Jahudi. Sian inganan ni barita masa na di turpuktaon tontu humatop ma sar na masa i nang tu angka luat ni halak sipelebegu ala tongon di parbatasanna hamamasana. Alani ingkon sar do tutu Jesus, mesias siboan haluaon nang tu angka halak sipebegu, mangungkap rohanasida manjangkon barita haluaon i. SiseanNa dohot angka na torop sauduran nasida dohot Jesus mamongoti huta Nain, tongon mandapothon bahal ni hutai pajumpa Jesus dohot donganNa sauduran dohot na torop na mangusung na mate, ima anak sasada ni sahalak ina na mabalu. Mangihuthon adat na masa, ingkon sipajoloon do uduran ni na mangusung bangke i, marhite na mangalehon dalan.
Mangihuthon ayat 12, anak sasada do na mate nisung ni na torop i, jala anak ni na mabalu muse. Boi do dapot roha songon dia gotap ni roha ni ina na mabalu i; anak sasada jala siuduti sundut ni keluargana, nungnga marujung, punu ma tarombo ni amana; anak sasada harapan satu-satuna di keluarga, nungnga mate, mambahen gotap harapan ni inana; anak sasada, ima arta na ummarga di ina na mabalu i nungnga gabe si soada. Nda na lungun situtu do i? Tung mansai jorbut situtu do tahe hamatean i, ndang mardia imbar sisongopanna. Disirang do nangpe anak sasada sian inana, disirang do na maroma marianakkon. Disonggopi do dolidoli nang na tuatua, disonggopi do na pogos nang na mora; tung so mardia imbar do i sude tahe.
Maras situtu roha ni Jesus marnida ina na mabalu na sai tumatangis i. Di hata Indonesia didok; “tergeraklah hatiNya oleh belas kasihan”. Diauhon Jesus do arsak ni roha na masa i, ido umbahen maras situtu Ibana manang asi situtu rohaNa. Ndada tu na mate i maras ni rohaNa, alai mamereng sidangolon ni ina na mabalu i do. Pusat perhatian ni Jesus ima ina na mabalu i, ndada na mate i. Hata ni Jesus na parjolo haruar ima hata apulapul, ndada panguhumion, didok: “unang ho tangis”, ninna. Roha maras/ belas kasihan ni Jesus naeng manggottihon iluilu gabe las ni roha, bocca ni roha gabe parolopolopon. Ido tutu na masa molo mangula asi ni roha ni Jesus tu angka na niasianNa.

Ayat 14-17; Tumimbo do asi niroha/ belas kasihan ni Jesus sian ruhut-ruhut naung adong diaturhon. Ndang na mandok na so marlangku aturan i, alai ala asi ni roha na pangoluhon do parbuena umbahen tumimbo. Mangihuthon patik ni si Musa, ramun do pitu ari lelengna, na manjama na mate (4 Musa 19:16), alai ndang sipangambati i di Jesus. Ndada jolma i tu patik, alai patik i do tu jolma asa ummarga do hangoluan ni jolma sian patik i. Didapothon Jesus ma na mate i; Jesus do na mandapothon, bagas situtu do lapatan ni i. Jesus do na mandapothon jolma i umbahen taruli hangoluan (hasesaan ni dosa, hangoluan na manongtong), ndada jolma i na ro. Ndada alani singkop ni patik i diula hajolmaon umbahen taruli hasesaan ni dosa dohot hangoluan, alai ala na tinopot ni Jesus do jolma i nionjar ni asi ni rohana umbahen partohap di si. Ido umbahen mangasahon asi ni rohaNa hita ro marsomba dohot mangido tu joloNa, unang mangasahon hadirionta.
Didok Jesus ma tu dolidoli na mate i; “O dolidoli, hudok ma tu ho: hehe ma ho”. Mandok Ibana gabe manjadi do; hehe do tutu dolidoli i. Marhite barita masaon na ringkot siberengonta, ndada tanda mijizat i, manang sungkun-sungkun, mungkin do i nuaeng? Alai, na rumingkot ima maksud ni barita kesaksian ni si Lukkas, ima manghatindangkon paboa Jesus ima mesias ni Debata. Di tonga ni partingkian na maimaima diharoro ni mesias, laho paluahon halak Jahudi sian panggosagosaon ni halak Rom, si Lukkas manghatindangkon; nungnga ro mesias, ima Jesus.  
Dipasahat Jesus ma dolidoli na pinangolu na i tu inanana. Tontu ndang tarhatahon songon dia las ni roha ni inana i, naung mate anakna gabe mangolu. Barita na ginurithon ni si Lukkason manghatindangkon, harajaon ni Debata na songgop marhite Jesus, mesias, paluahon hajolmaon sian hamatean. Diharhari huaso ni hamatean i na mambahen jolma i marsak, tumatangis, jala marsitaonon. Asa haroro ni mesias i manggottihon arsak gabe las ni roha, pandelean gabe hiras ni roha, na soada pangkirimon gabe marpangkirimon.
Marnida na masa i gabe dipuji na torop ma Debata, didok; “panurirang bolon do dipahehe di tongatonganta jala ditatap Debata do bangsoNa”, pandohanon i paingothon hita di 5 Musa 18: 15,18. Mangihuthon haporseaonnasida, ingkon sahalak panurirang do na boi patupahon i, jala nang di Padan Narobi pe sahalak panurirang do na boi patupahon songon i, ima Elia. Atikpe sarupa si Elia dohot Jesus na pahehe na mate, sumurung do Jesus, mesias sian si Elia. Halongangan bolon do na masa i di natorop i, manogu rohanasida mamuji Deabata, marsangap Debata dibahen nasida marhite na masa i. Tarsar do barita i di sandok luat Judea, ro di sude luat na humaliang.

III. Sipahebahebaon di Jamita
Magihuthon topik/ tema mingguan naung ditontuhon di almanakta, ima  panarihonon na tarlumobi tu ina na marporsuk (perhatian khusus kepada ibu yang menderita);
1. Tangkas situtu do panarihonon ni Jesus di ina na mabalu i, tarida do i sian maras ni rohana marnida parompuan na mabalu na matean i, di dangol dohot arsakna. Ndada holan na marmaras ni roha Jesus, alai tolhas do tu parniulaan, ima marhite pahehe dolidoli na mate i. Asi ni rohaNa manguba keadaan manang suasana. Adong do asi ni roha na so pola marparniulaan dohot manguba keadaan manang suasana, jotjot do on masa di hita; Asi roha ate….! Ninta, alai ndang adong hataridaan ni asi ni roha i.
2. Maras ni roha ni Jesus, molo dipatolhas tu parniulaan adong do ruhutruhut na mangambati, ima ramun pitu ari molo dijama na mate, dung i na pajumpa i nasida ndang boi ambatanna na mangusung bangke i. Tung saluhutna do i ndang sipanundati manguduti asi ni roha i tu parniulaan, ummarga do hosa/ tondi ni jolma i asa sian saluhuta i. Unang togang hita mangulahon na denggan alani ragam sipangambati; arga do hosa/ tondi ni jolma i, ai nungnga mate Jesus Kristus humongkop i.
3. Sumurung do perhatian ni si Lukas sian parevanggelium na asing tu angka na metmet, na so mardihadiha, na terabaikan secara sengaja/ na so sengaja ala ni sistim na marlakku, targoar do barita na ginurithonna injil sosial. Dipaandar ibana do barita na uli di bagasan Jesus na ginurithonna tu angka horong na tagoari na di ginjang i. Panarihonon tu angka na mabalu na di turpuktaon, ima sada hataridaanna. Namabalu na di turpuktaon, ima mewakili angka horong na metmet nang na tagoari na di ginjang i.
Pencerahan do i tu angka huria na parpudion asa manongtong manarihon angka na metmet, na so mardihadiha, angka na pogos, angka na terpinggirkan. Di partingkianta na parpudion, huria ingkon manjembatani na dua horong, ima na metmet dohot angka naung tarrajum paradongan. Unang holan paradongan diparrohahon huria, na so mardihadiha gabe dihalupahon. Sipingkiran ni huria, boha do asa dapot na saling manarihon, manang masiondihononhon, asa dapot keseimbangan. Rajumanta do i ulaon na borat, alai justru di si ma na ingkon siparungkilhonon ni huria sepanjang masa. Atik pe didok Jesus, ingkon adong do na pogos di tongatongamuna, ndang na mandok lupahonon ni huria angka na pogos, alai paingothon huria do i asa mamparungkilhonnasida mangeahi ngolu na lamtu hehena.      
                                                  
   Ginurithon Ni;
Pdt. Dormen Pasaribu, S.Th
Pdt. HKI